Uni Marni Malay Blog

IHKLAS 3

denai cubo batanam mumbang, untuang-untuang jadi kalapo,
kok condong ka parak urang,itu bukan rasaki ambo,
kok elok jo tatanggo, labiah dari dunsanak rasonyo,
anggap sajo tiket ka sarugo, ambiak hikmah nan dikanduangnyo.

denai cubo batanam mumbang, untuang-untuang jadi kalapo,
kok condong ka parak urang, itu bukan rasaki ambo,
denai hanyo barusaho,  Tuhan  nan punyo kuaso,
denai syukuri apo nan ado, janji Allah nan subananyo.

denai cubo batanam mumbang, untuang-untuang jadi kalapo,
kok condong ka parak urang, itu bukan rasaki ambo,
kok indak jaan maangguak juo, kok iyo jan digeleangkan pulo,
jaan hati baparinggo, hiduik di dunia sakijok mato.

denai cubo batanam mumbang, untuang-untuang jadi kalapo,
kok condong ka parak urang, itu bukan rasaki ambo, 
kok nak tarang jalan ka sarugo, acok -acok lah maetoang doso,
Subhannallah jo Alhammdullilah jaan hanyo di muluik sajo.